Gloppenshow

Etter kampen mot Stryn på tysdag, har vi fått denne rapporten frå K3 sin "teammanager":

Tysdag 17. september reiste K3 til Stryn for å spele treningskamp. Gloppen knuste, som kjent, det meste av motstand forrige gong laga møttest i Firdahallen, så i denne kampen ville Geert prøve ut litt andre forsvarsformasjoner. Dette førte til at Stryn leia 5-0 når det var spelt 7 min av kampen. Med kun 1 treningsøkt med 4-2-forsvar så vart det for store rom for linjespelaren til Stryn. Geert la om til vanleg forsvar etterpå og tok raskt innatt forspranget. Stillinga var 17-8 til pause.
I 2. omgang fekk Eli-Anne litt meir pause for å sleppe innpå dei yngre linjespelarane våre. Dette takla dei godt, og Gloppen gjekk sigrande av bana med resultatet 32-19. Rita imponerte med å redde alle straffene til Stryn! Ein sterk lagsiger!!