Tap for Gloppen 2 på Eid
Postet av Gloppen Handballklubb den 9. Mar 2012
 |
| Haugen/Eid vart for sterk i går kveld, og fekk revansje etter tapet i Firdahallen. |
Gloppen 2 var på Eid og møtte Haugen/Eid i går kveld og tapte 26-22.
Første omgang var veldig svak frå våre gutar. Det virka ikkje som dei var heilt klar til kamp og klarte aldri å få intensitet i spelet. Bakover tapte dei stadig duellane, og framover var det stilleståand og lite trøkk i gutane. Til pause leda Haugen/Eid heilt fortent 14-8.
Etter ein god pause der vi fekk snakka gjennom problema og justert tenningsnivået vårt var det eit heilt anna lag som kom på bana i 2 omgang. Forsvarsspelet byrja å sitje og med det kom kontringane. Hans var raskt frampå og laga eit par kontingsmål utan at Eid klarte å kvittere og dermd var vi med i kampen igjen. Vi drog sakte og sikkert inn på og når det gjenstod 5 minutt av kampen var stillinga 22-22. Vi var verkeleg i siget og det tilreisande puplikummet frå Gloppen augna at no skulle vi knekje dei.
Dessverre svikta vi i den avgjerande fasen på slutten når kampen stod og vippa. Med ein del uheldige vurderingar i angrep med for tidleg avslutning på dårlege sjansar var det Eidarane som utnytta våre feil og skora på sine sjangsar. Når vi i tillegg fekk ei utvisning i sluttminutta styrde Eidarane kampen til ein grei siger med 4 mål.
Desse var med: Hans 3, Peter, Mikael 2, Lauritz 4, Vegard 1, Ørjan 7, Erlend 1, Magnus 4 og Olav i mål.
Kommentarer
Logg inn for å skrive en kommentar.