GHK2 damene tapte mot Bjørn i 5.divisjon

Sognelaget Bjørn vann 24-13 over våre damer i dagens 5.divisjonskamp i Firdahallen, etter å ha leia 10-7 til pause.  Kampen var på mange måtar jevnare enn resultatet skulle tyde på, men der GHK skaut stolpe ut sette Bjørnjentene ballen i mål.

To flotte handballspelarar frå dagens kamp:Beate Støfring med 3 mål, og Sigrid Fjellestad med 1 mål

Bjørn kom også best i gang i dagens kamp og gjekk tidleg opp i 4-0, før Marie dundra ballen i mål til 1-4 og 2-4 etter 10 min. Etter 15 min var stillinga 2-6.  Hildegunn reduserte til 3-6, før Sofie reduserer 2 ganger til 5-7.  No er GHK i siget og kjem heilt opp i ryggen på Bjørn til 7-8 etter flott skåring av Sigrid Fjellestad.  Bjørn drar ifrå att til pauseresultat 7-10.

Konsentrert forsvarsspel

I andre omgong aukar Bjørn til 8-14, før Ragnhild tar "timeout".  Beate Støfring reduserar til 9-14, før ho litt etter prikkskyt i vinkelen til 9-16.  Etter dette virkar det som om jentene slepp seg litt ned i tempo og Bjørn drar ifrå til ei 10 målsleiing, før Eline reduserar til 11-21 og Beate til 12-22.  På slutten får Bjørn nokre enkle mål på kontring og sluttresultatet vert 13-24.

GHK mangla viktige spelarar i denne kampen i Jenny Holvik og Tiril S Reed og det merkast.  Men jentene kjem nok sterkare attende i neste kamp, for det bur mykje handball i denne gjengen.

Desse var med: Benedikte Vederhus, Bodil Fjellestad, Eline Aasebø(2), Hildegunn L Otneim(1), Sigrid S Kissner, Sigrid Fjellestad(1), Marie N Midthjell(2), Kristine S Book(2), Malin Eikenes, Sofie Djupegot(2), Beate Støfring(3)