GHK G18 tapte mot Bergsøy

GHK sitt G18 lag tapte kveldens treningskamp mot herrelaget til Bergsøy 21- 27, etter å ha lege under 11-12 til pause.  Bergsøy stilte med eit godt lag, som seinast i fjor spela i 2.divisjon. Og tar ein så med at GHK hadde eit halvt lag på skadelista, gjorde gutane våre ein grei kamp. Det er trass alt mot god motstand ein vert betre.

Før kampen var det klart at sentrale spelarar som brødrene Sælen, Runar Åmot, Mikael Alander og Andreas Kissner måtte stå over kampen med skader frå helgas kamper i Bergen.  Heller ikkje Erlend Ulvestad var kampklar.  Våre gutar gjekk likevel respektlaust ut frå startblokkene, og leia store deler av første omgong. Midt i den gode GHK perioden, måtte Magnus Årskog forlate bana med ein stygg vridning.   Bergsøy kom likevel tilbake fram mot pause og kunne gå i garderoben med eitmåls leiing.  I andre omgong var det Bergsøy som var det førande laget.  GHK gutane gjorde fleire dårlege val, og det vart mykje stang ut ein periode.  Dette nytta Bergsøy til å stikke frå og vann 27-21.  Tatt i betraktning dei mange skadane før kampen, og at sentrale Magnus måtte ut tidleg, var dette likevel ei nyttig god og gjennomkøyring for gutane.  Tida fram mot sesongstart må nyttast til å få flest mogeleg kampklare. Og med heile gjengen på plass, vil nok mange lag få merke at GHK ikkje er enkle å skubbe seg på.

Med i dagens kamp: Daniel, Joakim, Lauritz(3), Preben(1), Magnus Å(1), Magnus M(3), Håvard(1), Osmund(1), Ørjan(8), Hans(3), Bjørn(trenar).