Strålande kamp av jentelaget, uavgjort mot Haugen

GHK sitt jente15 lag spela i ettermiddag uavgjort 15-15 mot Haugen.  Haugen har 8 poeng meir enn våre jenter på tabellen, men i dag var våre jenter minst like gode som rivalane frå nordsida av Nordfjorden.

Nok ein strålande kamp av denne gjengen

Først og fremst var det gjennom svært godt forsvarsspel at grunnlaget for poenget vart lagt.  I dag gnistra det av jentene, og i store delar av kampen var GHK i føringa. Anført av toppskårar Susann Solheim synte dei ingen respekt for gjestane frå Haugen.  Først heilt mot slutten var Haugen i føringa, men ei skåring av Linda Årdal i siste minutt redda poenget og jubelen kunne sleppast laus.  Den dagen desse jentene får meir trykk mot mål i angrepsspelet sitt, vert dei vanskelege å slå.  Og kjenner vi trenar Jostein Ryssdal rett, vil dette terpast på under treningane framover.

Desse var med: Eli Kristin Arnestad, Solgunn Lote(2), Linda Årdal(3), Susann Solheim Gjærløv(5), Oda Eide, Silje Iren Hole Hervik(2), Frøydis Seime Øygard(2), Julie Varpe(1), Jenny Falck.