Tap i toppkampen

GHK herrane tapte toppkampen mot Kjøkkelvik i Olsvikhallen i går med 26-31.  Som i den omvende kampen i Firdahallen i haust der GHK vann, var det to gode lag som møttest.  Kanskje var det heimebanefordelen og den største viljen til å vinne som avgjorde i Kjøkkelvik sin fordel.

Etter ein jevn start på kampen der laga følgde kvarandre i målprotokollen, drog Kjøkkelvik sakte ifrå med 3-4 mål. Men GHK var heile tida med i kampen, og både Jan Kristoffer og Edvin hadde fleire flotte mål i denne perioden.  Så kjem den episoden som underteikna trur avgjorde kampen.  Kjøkkelvik får ei 2 min utvisning, men vinn likevel denne perioden 2-0.  Derifrå aukar dei inn mot pauseresultatet 18-11.

GHK får ein god start på andre omgong og har kontakt med 3 mål bak på stillinga 23-20.  Men Kjøkkelvik har ein gamal ringrev i Jarle Rykkje.  Kanspelaren hadde fleire avgjerande mål i andre omgong.  For GHK sin del, var dei før nemnde karane sentrale, men også Runar Gåsemyr hadde fleire flotte mål.  Paul Remi Kvandal kom inn i målet i andre omgong og stod svært bra.

Desse var med: Daniel Reed, Ole M Flatjord(1), Arild Tystad(1), Jan Sletteland(7), Andreas Kissner(1), Åsmund Sælen, Runar Gåsemyr(4), Edvin Øygard(8), Bjørn Nystad(2), Paul R Kvandal, Alex Moritsgård(1),  Jan K Lundestad, Ørjan Sundal(1)